Даана, даалгана

Даана эсвэл даалгана гэдэг сонин ухагдахуун, би ерөөсөө ойлгодоггүй юм. Шведэд болзоо, кино үзэх, хоолонд орох, эсвэл зүгээр фика гээд уулзах үедээ хүмүүс өөр өөрсдийн тооцоог төлдөг. Туркэд эрэгтэй нь төлөх нь нэр төрийн хэрэг байдаг. Монголд бол... би сайн мэдкүймаа гсн :)) Ойлгосноор бол тэр тийм юм хийж өгсөн эсвэл тийм ажил бүтээж өгсөн, нэг хоолонд оруулна. Энэ надаар ийм юм хийлгэсэн, тийм юм гуйсан, нэг хоолонд оруулах ёстой гэх мэт. Хоолонд оруулах нь нэг ёсны хийж өгсөн юмных нь хариу юм байх. Нэг мөсөн үнэ мөнгөө тохиролцоод, мөнгө төгрөгөө төлчихөд амархан байдгүйм байх да? Эсвэл хүнд тус болж байгаа бол тэгж хариу харах хэрэг юу байна? Бичигдээгүй хууль л юм да. Анх ирсэн дараагаа нэг иймэрхүү юманд орооцолдож билээ. Хамаатны нэг залуу машин авахад тусаллаа л да. Тэгээд ганц нэг ажил хөөцөлдөж гадуур явахдаа мань хүн өлссөн ундаассанаа л гайхаад яриад болдоггүй. Хүмүүс рүү утасдаад танайд очиж хоол идэе, манайд очиж хоол идэе гээл чанга чанга яриад байхийн. Би гэж мэсэж ойлгодоггүй хүн анзаардаггүй ээ түүнийг нь. Сүүлдээ бүр санаа зовоод өлсөөд байвал хэдүүлээ нэг газар орж хоол идэх үү гэлээ. Гүйэ яахав яахав гэж байна. Үгүй л гэж байна гээд ойлголоо. Сүүлд нь хамт явсан дүү маань хэлсэн л дээ. Та юун юм ойлгодоггүй юм, хүн хоолонд оруулаа гээд улаан цайм хатгаад байхад ойлгохгүй юм гэлээ. Хоол идэх үү гэсэн чинь үгүй л гэсэн шд гэсэн чинь хүн чинь юу гэж шууд тэгэе гэхийн үгүй л гэнэ шд, та өөрөө шууд орох байсийн гэнээ. Гүй тэгээд тийм байсан бол шууд л хэлнэ биз дэ, эсвэл дуугай дагаад явна биз дээ. Нэрэлхүү дээрээ ямарийн гэдэг билээ, тэрэн шиг...