Хэд хоногийн өмнө ажлаар Даланзадгад орсон юм. Амралтын өдөр таарсныг далимдуулаад тэрүүхэндээ бяцхан аялал хийгээд авсан. Ёлын ам руу гарсан юм. Өнгөрсөн жилийн 8 сард Ёлын ам орж байсан боловч мөс олж харалгүй буцсан юм. Яг үнэндээ бол 2-3км газар алхаад ядарсан болохоор буцсан чинь одоо бодоод байхад мөстэй хавцалын яг хажуунаас буцсан байна лээ. Энэ удаад харин тэгж 2-3км алхаж өөрийгөө зовоохгүйн тулд морь унаад явсан. Хэдийгээр би морь унаж сайн чадахгүй ч аймаар залхуу, аягүй номхон морь байсан тулдаа ойчилгүй явж ирсээн нуугаад яахав гсн хэхэхэ. 8-р сарын сүүлээр очиход Ёлын аманд мөс байсангүй. 7-р сарын дундуур Мухар Шивэртийн ам гээд хажуугийн аманд очиход мөстэй байсан. Ёлын амаар ороод яваад байх юм бол уулынхаа хажуугийн амаар буцаад гараад ирдэг гэсэн. Мухар Шивэртийн ам нь болохоор тэгж гардаггүй, амны мухарт хүрээд цаашаагаа явж болдоггүйм билээ.
Ёлын аманд жоохон явж байгаад л чулуу модоор юм хийгээд зарж байгаа хүмүүстэй тааралдана. Баргилт гэдэг чулуугаар аягүй их юм хийдэг юм билээ бодвол зөөлөн чулуу байх. Бас жижигхэн өнгө өнгийн мана чулуугаар бугуйвч хийж зардаг юм байна. Тэнд байсан нэг эгч надад ийм бугуйвч бэлэглэсэн. Одоо бүр зүүгээд салахгүй байгаа. Чулуу хүйтэн байдаг болохоор гарт хэдий хүнд шиг санагдах ч хүйтэн оргиод гоё юм билээ.
Бид нар бас Ёлын амны эхэнд байрлах Байгалийн музэйгээр нь орсон. Баахан хад чулуу, ургамал болон чихмэл амьтад тавьсан байна билээ. Хамгийн сонирхолтой нь Динозаврын яснууд байсан. Динозаврын өндөг бас байсан. Гурвантэс сумын нутагт байрлах Хэрмэн Цав гэдэг газар үнэхээр гайхалтай сонин тогтоцтой газар юм байна. Зургийг нь үзэхэд л ингэж гоё санагдаж байгаам чинь яг очоод нүдээрээ үзвэл хичнээн гоё байх болоо. Ямар ч байсан тийшээ явж үзнэ гээд ойрын төлөвлөгөөндөө тусгачихсан байгаа. Динозаврын олдворууд бас зөндөө байдаг гэсэн. Тэндээс динозаврын өндөг түүж, хужаа руу гаргаж үнэ дамлаж зарна гэж худлаа яриад ч яахав хэхэхэ. Хэдэн жилийн өмнөөс хамаг чулуужсан өндөг урагшаа зөөгөөд барсан гэсэн үнэхээр харамсалтай.
PS: Зураг оруулах гэтэл болсонгүй, дараа оруулнаа.
PS: Зураг оруулах гэтэл болсонгүй, дараа оруулнаа.
3 comments:
Ёлын аманд морин дээрээ буруу хараад мордчихсон нэг бүсгүй яваад байна гэж мэдээгээр яригдаад байсан чи байсан юм уу?
bi bas sayhan yawaad irsen. Saihan gazar bnalee. Mos ni ali hediin hailtsan bnalee.
@Amaraa ah: bi morin deeree buruu harj mordoogui gehdee morio huneer hotluulj yavah ni yavsan, ter unen heheh.
@Boroo: Baigaliin togtots uneheer goy gazar. Had chuluulag ni bur deer uyiinh gesen.
Post a Comment